“Salamat kaayo sa inyong kakugi, tungod niini napaabot nato sa katawhan ang tinuod nga serbisyo,’’ pahayag ni Mayor Monet Federiso ngadto sa mga empleyado sa munisipyo.

Giila sa pamunoang Federiso-Lagumbay ang dedikasyon sa mga kawani sa Lokal nga Panggamhanan sa New Corella, Davalo Del Norte, hinungdan gipaabot sa mga opisyales ang ilang dakong pagpasalamat ngadto sa mga trabahante kay kabahin sila sa kalampusang nakab-ot sa administrasyon sa tuig 2021.

Taliwala sa padayon nga paghapak sa negatibong epekto sa pandemyang COVID-19, dasig nga nagatrabaho ang mga empleyado aron mapaabot ngadto sa mga pamilyang New Corellahanon ang tinud-anay nga serbisyo.

“Dako kaayo ang inyong nahatag nga tabang ug suporta kanamo kay kung wala mo dili namo makaya nga mobarog sa pagpanerbisyo sa mga tawo,” saysay ni Mayor Monet.

Gilibkas sa mayora ang maong mensahe atol sa gipahitabong Monday convocation ug flag raising ceremony atubangan sa mga kawani, Lunes sa buntag.

“Dili mo namo pasagdan ug paniguradohon namo nga dili masayang ang inyong kahago,” panapos sa mayora.
Ang nahisgutang kalihukan kabahin sa ika-121 nga anibersaryo sa Philippine Civil Service sa bulan sa Setyembre, ubos sa temang “Transforming public service in the next decade: honing agile and future-ready servant-heroes.”

Pinasikad sa kalamboang agenda sa Federiso-Lagumbay administration nga SERVICES, walay hunong ang pagsulbad sa mga katilingbanong problema ug pagpahamtang sa mga reporma alang sa pamilyang New Corellahanon.

Ulan man o init dili mapugngan ang pagpangalagad sa kasamtangang opisyales ngadto sa katawhan, ilabi na niadtong sektor nga napadaplin sa komunidad.

Usa sa mga programa nga ginahatagan og prayuridad sa kagamhanan mao ang pagpahigayon og konsultasyon ngadto sa kapurokan sa lungsod.

Personal nga ginasuroy nila Mayor Jorjan “Monet” B. Federiso ug Vice Mayor Pedro “Jun” H. Lagumbay Jr., kauban ang mga konsehales, ang matag-purok alang sa dayalogo.

Bag-ohay lamang gibisita sa mga opisyales ang Purok 1, 3 ug 4 sa Brgy. Sta. Fe, diin nahinabi ang mga miyembro labot sa ilang mga planong kalamboan.

Sa walay paglangay, gipahatud nila Mayor Monet ug Vice Mayor Jun ang mga gipangayong materyales para sa purok centers, Huwebes sa buntag.

Gipasalig sab sa Mayora nga samtang anaa pa sila sa serbisyo dili sila mo-undang sa pagpabati sa ilang gugma ngadto sa katawhan.

“Hangtud naa pa mi sa posisyon dili mi mo-undang sa pagtabang kaninyo,” butyag ni Mayor Monet.
Malipayong gidawat sa mga purok leaders ang ayudang materyales ug mipaabot sa ilang dakong pagpasalamat sa pamunoan.
Matud pa sa usa sa mga benepisyaryo nga suportahan gyud nila ang mithi ug lakang sa gobyerno alang sa padayong pag-aginod ngadto sa kauswagan.

Sa laing bahin, giawhag ni Mayor Monet ang publiko nga mo-apil sa Poverty Alleviation and Development for Rural Economy (PADRE) para sa panginabuhian ug dugang kapaninguhaan.

Malampusong natunol sa Lokal nga Panggamhanan sa New Corella, Davao Del Norte ang Special Risk Allowance (SRA) ngadto sa 278 ka-health workers sa barangay.

Ang SRA gikan sa pundo sa Department of Health (DOH).
Gilangkuban kini sa 236 ka-Barangay Health Workers (BHW), 22 ka-Barangay Nutrition Scholar (BNS), ug 20 ka-Barangay Sanitary Inspectors (BSI).

Mismong si Mayor Jorjan “Monet” B. Federiso ang nagpahatud sa nahisgutang ayuda kantidad P2,900.00 matag-usa.
Pinaagi kang Executive Assistant Rolando B. Tumama, kauban si BHW President Remedios Patana, nahatag ang maong salapi ngadto sa mga health workers.

Sa simpleng pamaagi, napaabot sa kasamtangang administrasyon ang ilang dakong pagpasalamat ug pasidungog ngadto sa mga kawaning frontliners sa ilang pagserbisyo panahon sa pandemya.

Mipaabot sab ang mga benepisyaryo sa ilang dakong pagpasalamat ngadto sa DOH ug sa Federiso-Lagumbay administration tungod kay wala sila pasagdi sa ilang pakigbisog nga mapugngan ang pagkuyanap sa sakit COVID-19.

Samtang giagni ni Mayor Monet ang mga BHW, BNS, ug BSI nga moduol lang kaniya ug kang bisan kinsang opisyales kung aduna man silay panginahanglanon kabahin sa pagpanarbaho aron kini masolusyonan.

Gipang-apuran sa mga sakop sa New Corella Davao North Eagles Club (NEDNEC) kon Agila ang katawhan sa upat ka-barangay sa New Corella, Davao Del Norte, og mga panapton o bisti niadtong Enero 31.

Milibot ang mga Kuya ug Ate sa NEDNEC ngadto sa Brgy. Mambing, Sta. Fe, El Salvador ug Patrocenio alang sa pagpanghatag og mga gamit nga sarang masuot sa yanong benepisyaryo.

Gikuyogan ni Mayor Jorjan “Monet” B. Federiso ang maong grupo isip suporta sa pinasahi niining inisyatibo.
“Mapasalamaton kita sa Agila tungod sa ilang pagpaambit sa mga grasyang ilang naangkon ngadto sa mas labing nanginahanglan,” pasibaw ni Mayor Monet.

Malipayong gipangdawat sa mga residente ang wala damhang panalangin nga miabot kanila tungod kay adunay sila’y dugang magamit sa matag adlaw.

Ang maong kalihukan gimugna sa ‘The Fraternal Order of Eagles’, kansang pribadong asosasyon, isip kabahin sa ilang pagpanerbisyo sa komunidad.

| Warlie Loquinario

Pormal na nga gideklara sa Area Clearing Validation Board (ACVB) ang lima ka-barangay sa New Corella, Davao Del Norte, nga ‘cleared, peaceful, ug conflict-resilient communities’ Disyembre 18 didto sa Mabini, Davao De Oro.
Sa gipahitabong balidasyon, giduso sa kasundalohan ngadto sa ACVB nga ang barangay sa New Cortez, San Jose, Mambing, Cabidianan ug Sta. Fe sa lungsod malinawon ug lig-ong katilingban batok sa pagpanghasi sa mga komunistang teroristang grupo human mapulpog ang Guerilla Front 33 sa naulahi.

Ang ACVB gilangkoban sa armadong kusog sa nasud ug nasyunal pulis, nga gipangunahan sa Assistant Division Commander sa 10th Infantry (Agila) Division ug Deputy Regional Director for Operations sa Police Regional Office (PRO) XI, uban ang 10th ID TRIAD Staff Officers ug PNP-XI QUAD Staff Officers.

Gipresenta ang kahimtang sa kahapsay ug kalinaw sa matag-barangay, lakip ang mga nahimong lakang labot sa pagpatuman sa Community Service Program (CSP), mga ayuda sa nagkadaiyang panggamhanan, ug uban pang proyekto subay sa gilatid nga sumbanan alang sa maong deklarasyon.

Mihatag usab sa ilang testimonya ang mga kanhing masa o pangulo sa grupong gi-organisa sa armadong rebelde, mga hingtungdang kapitanes, ug representante sa New Corella Police Station.

“The motion to declare these five barangays as cleared, peaceful, and conflict-resilient is hereby approved,” pahayag ni BGen Maning S. Tawantawan, assistant division commander sa 10th ID.

Apil sa gipangdeklara sa ACVB ang pipila ka-barangay nga sakop sa Asuncion sa Davao Del Norte, ug Laak ug Montevista sa Davao De Oro.

Gipasalig usab ni BGen Tawantawan nga ilang suportahan ang inisyatibo sa pamunoang Federiso-Lagumbay sama sa Poverty Alleviation and Development for Rural Economy (PADRE), purok consultations, DUAW ug uban pang proyekto nga may kalambigitan sa pagpatunhay sa malahutayong kalinaw ug kalamboan sa lungsod.

Pormal nang gibuksan alang sa publiko ang Municipal Hall Flower Garden atubangan sa munisipyo pinaagi sa gipahitabong seremonyas sa pagbendisyon ug pagputol sa ribon karong gutloa.

“Atong gipagwapo ang atong munisipyo sama sa ka-gwapo ni Vice Mayor Jun,” pasiaw ni Mayor Monet Federiso.

“Ang tinuod gipagwapa kay gwapa man atoang mayora,” balos pakatawa ni Vice Mayor Jun Lagumbay.

Dugang pa sa mga opisyales nga igo lamang nila gibalik sa katawhan ang binayad nga buhis isip mga pinayalan pinaagi sa pagtunol og serbisyo, samtang gipasalamatan ang tanan.

“Kadtong nanaway, aw salamat. Pero kadtong midayeg, daghan kaayong salamat,” panapos ni Vice Mayor Jun.
Human sa seremonyas, mituyok ang mga opisyales matag-opisina alang sa thanksgiving ug pagbunot sa mga papremyo.

#MunicipalHallFlowerGardenInaguration
#SerbisyongTotooLoveKo
#FederisoLagumbayAdministration
#PadayonAngPaskongNewCorellahanon

Mikanaog dyutay ang ihap sa persons under monitoring (PUM) labot sa sakit nga COVID-19 ngadto sa 127 sigun sa Municipal Health Office (MHO) sa New Corella.

New PUM: 4

• 3 Limbaan gikan sa Sinubong, Agusan Del Sur under home quarantine; ug
• 1 New Cortez gikan sa Digos, Davao del Sur under home quarantine.

PUM Cleared Today: 5

• 1 San Roque;
• 1 Cabidianan;
• 1 Sta Cruz;
• 1 Del Pilar; ug
• 1 Poblacion

Sa kinatibuk-an sukad niadtong Marso 16:

• 2,098 Total No. of PUM’s;
• 1,971 Total No. of PUM’s cleared;
• 127 Total No. of PUM’s observed;
• 1 No. of Suspect Case;
• 0 No. of Probable Case;
• 29 Total No. of Suspect and Probable Cases discharged;
• 24 Total No. of Positive;
• 24 Total No. of Recovery; ug
• 0 Total No. of Death.

Gipangkumusta ni Kuya Gob Edwin I. Jubahib, gobernador sa Davao Del Norte, ang mga residente sa Brgy. Sto. Niño, New Corella, Martes sa hapon.

Human sa nahitabong duha ka-engkwentro tali sa militar ug rebelde niadtong Sabado, personal nga gibisita ni Kuya Gob Edwin ang mga apektadong pamilya ug gipangtunulan og ayuda.

Nanghatag usab og relief packs sila Mayor Monet Federiso ug Vice Mayor Jun Lagumbay, kuyog sa mga konsehales, alang sa tanang lumulupyo nga daw nangalisang.

Subay sa rekord, mikabat sa 102 ka-pamilya ang daling mibakwit sa Barangay Hall. Apan, mipauli na ang kadaghanan kanila.

Dakong kalipay ang gibati sa mga miyembro sa Purok Central Camarin, Brgy. New Cortez, New Corella, Davao Del Norte sa dihang gihatud sa pamunoang Federiso-Lagumbay ang mga materyales alang sa pagpasemento sa ilang purok.
“Gituman gyud ni Mayor Monet ang iyang saad kanamo nga ipasemento ang among gina-meetingan nga purok,” pabuhagay sa usa sa mga lumulopyo.

Ang maong ayuda bunga sa paglibot sa mga opisyales sa lungsod sa gipahitabong Purok Consultations nga temporaryong naundang tungod sa pandemyang COVID-19.

Plano sa kasamtangang administrasyon nga ibalik ang nahisgutang kalihukan sunod tuig kung itugot na sa kahigayonan, diin adunay epektibong kolokabildo o dayalogo tali sa mga namuno ug gingsakupan.

Kabahin kini sa pangkalamboang agenda, ubos sa liderato ni Mayor Monet Federiso, nga SERVICES, diin:☝️Service excellence and professionalism of human resources;

• ☝️Eco-tourism and agricultural development;
• ☝️Reestablishment of ecologically balanced environment, and disaster risk reduction and management;
• ☝️Vulnerable and marginalized sectors (women, SC, youth, IPs, PWDs, farmers) empowerment;
• ☝️Infrastructure advancement and modern communication technology;
• ☝️Consultative and participatory process and upholding of peace and order;
• ☝️Enhancement of education, health, and sports development; ug
• ☝️Sustainable livelihood and entrepreneurship.